العام بكل شئ
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 كلمات جرح

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: كلمات جرح    الأحد نوفمبر 28, 2010 5:56 pm

كلمات جرح


على مثلك ما أبكي ومثلك مايبكيني
أنا أضحك على حظٍ جمعني فيك وأشقاني
ماهمنــــي بعدك ولاني ناطره تجيني
أنا كل اللي عشته حزن وقربك زود أحزاني
ترى كلك على بعضك أبد ماعاد تعنيني
ولاهي فارقه عندي تجي أو حتى تنســـاني




عندي سؤال وخابره فيه تجريح...لكن ضروري تسمعه بإنبساطي
ارفعك بيدي للسماء ترجع تطيح...قلي شسوي فيك لاصرت واااطي ؟؟




شفت المقفي وربي ما اتبعه لو خطوتين ..!!
أصبعي وهو اصبعي إذا غدرني أقطعه
ابسألك سؤال واحد والجواب بكلمتين
لاصار قدرك والهوى خصمين من تاقف معه ؟
ياخي العزه كرامه وانت دايم مستهين
ياخي ضرسك لو وجعك بذمتك ماتقلعه ....؟!




مادام هذي علومك راح تخسرني
ماعمر أحد راح من كيفه وناديته
عند الكرامه ابيعك وانت خابرني
الله وكيلك ترى كل شيء مريته
كانه هجر بالسلامه روح وأهجرني
أخوي وهو أخوي لا صد عني ماترجيته




مانيب قايله لك عسى الله يهنيك
عسى الله يحرمك كل ماكان هناك
وعسى العمر ياخاين العهد يعميك
فوق الغرور اللي عن الأرض غطاك
وعساك ماتفرح وتكثر بلاويك
وعسى أمــــك تشق الجيب من عظم بلواك




ليتك تموت اليوم وارتاح انا منك
ويرتاح قلب(ن) بالخيانه طعنته
ليتك تموت وبداخل القبر انا ادفنك
وادفن مع الجثمان جرحٍ جرحته
ليتك تموت ما أحد درى عنك
وأصيح بأعلى الصوت حقي واخذته




من قال أنا ميته عليك؟؟!
اصلاً أنا ماعاد ابيك
تبغاني خاتم بأصبعك
ياشييييييخ ذا بدري عليك
لاتخلط اوراق الهوى
كلن ترى له مستوى
وكانك على غيري قدرت
أصابعك ماهي سوى ؟!!!




إذا كلمته اتعمد اناديه بأسم ثاني
ابلعب بس بأعصابه واغيضه بزلة لساني
واسوي نفسي مدري كلمه وطلعت مني
واقوله بالي راح بعيد
غلطت بأسمك اعذرني
ياحلوه لمّا يتأثر
شعوره وغيرته تكبر
يصير احلى بعد عمري
ملامح وجهه تتغير




{« أنا مثل النجوم العاليه ,,, ماطالها نصاب ,,, ومن يفكر بحفرة خبث...حتماً بدفنه فيها »}




جاء يطيب خاطري بكلمتين
يحسب ان رضاي مضمون وسهل
عذره اللي رجعه شوق وحنين
يحسب ان رضاي بشوية غزل
مادرى أني حالفه..وحالفه يمين
ماأرد بكلمتين مهما عمل
مايلين القلب ..والله مايلين
وإن زعل ..يزعل..ويعني لو زعل




انا ما طحت من بعدك
انا بنتٍ (تهز رجال)
تظن بغيبتك ببكي
ابضـــــحــــــك ما تبكيني




من باعني بأسباب بعته بلا أسباب
مايطرد العاقل لبايعٍ امخاويه
ومن باعني بالغير بعته بتراب
واليا ذكره القلب بقّطعه وارميه




على طاري الفراق اللي حصل هالحين كيف الحال ؟!
سمعت أنك عقب ماغبت عنك حالتك حاله




لا لاتكثر حلوفك
بديت املك واعوفك
تمون..لكن اشوفك
زودتها حبتين
إن تبغى الحقيقه
هالوضع ماعاد اطيقه
كلن يروح بطريقه
والله يستر عليك
ياللي تغير ودادك
أبعد وطول بعادك
دامك بديت بعنادك
تحمل كل اللي يجــــيك




وحدي وصلت العز لآخر موانيه
أنـــثــــى ...
لكــن !!! عن ألفين رجـال




إن قلت لك ياصاحبي ما أقدر انساك
أكذب عليك ولاتصدق كلامـــي
أقدر اعيش العمر كله بلياك
وأحسبك حلمٍ زارني في منامي




من متى حبيتك اصلاً حتى اخونك..؟!
كيف تتجرى وتقول انه نساني
لا تظن ارجوك وتصدق ظنونك
وأنت مامريت مره في كياني




مات حبك والبقيه في حياتك
في حنايا خافقي لاقى مصيره
خذ مع الجثمان باقي ذكرياتك
تجربة حبي معك كانت مريره




تأخرت ولا أقدر أعيد ايام معاناتي
علاقتنا ابد مابيك تعيد النظر فيها
نسيت اللي مضى وياك نهيت اجمل علاقاتي
نسيـــــــتكـ مثل ما انت محبتنا نسيتها



على كيفك خذ الدنيا مزح وجد
على كيفك تمـــادى بعذابي لين تنتهي
أنا قد الحزن قد الشقى وإحتمال البُعد
أنا إن كنت ماتدري مايموت الورد بيديني
أنا ماقلت هذا أتـــــــــــــرجى منك عطف وود
أنا أقوله لجل تعرف وش اللي تجهله فيني




مدام أنك تخون الملح
أبرحل وأبتسم وأنساك
تأكد ما يشـــرفـــــــــــني
تكون بيوم محبوبي



واللحين روح أرجوك حاولني انساك
ولاتجي حتى لو أني بغيتك
وإن مر في بالي بقايا لذكراك
بحاول انساها مثل مانسيتك




ابرحل بصمت مابي منك كثر اسئله
ذا قراري الأخير وجاك العلم الأكيد




يادموعه ليه بيّن لي خضوعه ؟!
ليه يجرح كبريائه في رجوعه
يوم أني أتمنى وصاله صد عني
يوم جافيته ولهتي يادموعه




اشكرك قلبك كبير
مرهف احساسك كثير
اشكرك من قلبي
بعتني والله بضمير




طحت من عيني بعد ماكنت عاااااالي
وحبك ارخصته بعد ماكان غالي
كل شيء برضاه منك الا الخيانه
بعدها يحرم على حبك وصالي




كلنٍ له الله لو تخليت عني
ومحدٍ بيموت ياصاحبي قبل يومه ...




قديمه كلمة احبك
ماعاد تنفع معاي
إلعب على غيري
إلعب بس لاتقرب هواي
غلطه وعـــــــــــدت
في حبك خدعتني بالحنين
والشاطر اللي بحياته ماينخدع مرتين
دور على قلب ثاني تبيعه وتشتريه
إنت غرامك في قلبي
صدقني راحت عليه
مشغول بالي بغيرك خلاص قلبي نساك
لقيت بعدك حبيبٍ نساني حبه هواك !!!

الرجوع الى أعلى الصفحة اذهب الى الأسفل
اسيرة بلا قيود
مشرفه
avatar

عدد المساهمات : 284
تاريخ التسجيل : 10/11/2010

مُساهمةموضوع: رد: كلمات جرح    الإثنين نوفمبر 29, 2010 1:04 pm

مشكووووووووووووووووور على الطرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صمت الرحيل
نائب المدير
avatar

عدد المساهمات : 403
تاريخ الميلاد : 07/01/1995
تاريخ التسجيل : 07/11/2010
العمر : 22

مُساهمةموضوع: رد: كلمات جرح    الجمعة ديسمبر 03, 2010 2:17 pm

مشكور على الطرح اكتيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات جرح
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كشافة مدرسة شهداء خزاعة الثانوية :: شعر - خواطر-
انتقل الى: